返回網站

最優質的愛爾蘭大學? 一一為香港學生介紹!

遲啲香港中學文憑試(HKDSE)放榜嘅時候,大家就將會各奔東西,忙住報讀心儀大學。有啲會升讀本地大學,亦有人鍾意外國大學。如果想留學,愛爾蘭會唔會係一個正確嘅選擇呢?如果想入讀愛爾蘭大學,又應該揀邊間大學呢?

揀大學要考慮嘅不外乎係大學排名、心儀大學及學科嘅歷史背景,同埋自己嘅經濟能力。愛爾蘭環境優美,治安好,而且學費同生活費都比其他英語國家平好多。最受香港人歡迎嘅學科有醫學、法律、會計、經濟、商科、精算與建築學。未來最需要嘅職業大部分都落喺科技領域裏面,如網絡安全專家、機器人工程師、軟件開發人員、數據分析員等等。對於咁這樣嘅職場改變,愛爾蘭共和國嘅大學絕對有優勢。愛爾蘭既大學體系同師資一直都吸引學生修讀理工學科,令佢成為全歐洲擁有最多理工學科畢業生嘅國家。

以下介紹呢幾間愛爾蘭大學,喺醫學、法律、商科上都有非常有知名度。

排行榜榜首嘅著名愛爾蘭大學包括:

1. Trinity College Dublin (TCD) 都柏林聖三一大學

TCD作為愛爾蘭最古老大學,由英國伊麗莎白女皇一世喺1592年所創立,其地位就如姐妹學府英國牛津大學及劍橋大學般高大上。TCD與兩間姐妹學府之間彼此認可,三所大學既畢業生都唔需要進一步考試之下,被授予其他兩間大學嘅同等學位。

TCD喺愛爾蘭眾多大學整體表現排名第一,其法律、文學及人文學科尤其受到好評,而喺商科類及科技等方面亦有非常卓越嘅成績。TCD喺愛爾蘭大學學科排名如下:

  • 全國榜首學科:人文學科、醫學、牙科學、藥理學、毒理學及制藥學、電腦科學、生物化學、遺傳學及分子生物學、經濟學、計量經濟學及金融學、工程學
  • 全國排名第二學科:心理學、化學、數學、社會科學、地球及行星科學、物理學及天文學
  • 全國排名第三學科:商業、管理及會計、農業及生物科學

2. University College Cork (UCC) 科克大學

UCC成立於1845年,係位於Cork、Galway及北愛爾蘭Belfast三間女王學院嘅成員之一。多年以來, UCC都以超卓嘅表現蟬聯愛爾蘭大學排行榜上嘅頭三名。根據《泰晤士報高等教育》,2021年世界大學影響力排名,UCC世界排名第八。聯合國17個可持續發展方面,UCC嘅得分達到96分。喺1115個教育機構之中,UCC排名喺世界頭1%。

UCC喺全愛爾蘭嘅整體排名第二,學科排名如下:

  • 全國榜首學科:數學、心理學
  • 全國排名第二學科:農業及生物科學、牙科學、環境科學、藥理學、毒理學及制藥學
  • 全國排名第三學科:醫學、生物化學、遺傳學及分子生物學、化學、電腦科學、物理學及天文學
  • 全國排名第四學科:人文學科、工程學
  • 全國排名第五學科:商業、管理及會計、能源工程

3. National University of Ireland, Galway (NUIG) 愛爾蘭國立大學戈爾韋分校

NUIG建立於1845年,當時被稱為Queen’s College, Galway (戈爾韋女王學院)。2018年嘅QS全球大學排名,NUIG更被授予5粒卓越之星,並躋身前1%嘅大學行列。

NUIG整體排名落在第四名,而學科排名如下:

  • 全國榜首學科:化學、能源工程
  • 全國排名第三學科:工程學-全國排名第四學科:商業、管理及會計
  • 全國排名第五學科:生物化學、遺傳學及分子生物學、醫學、物理學及天文學、心理學、社會科學

4. Technological University Dublin (TU Dublin) 都柏林理工大學

獨立來睇,2019年1月1日正式成立嘅TUD係一間新大學,但其實TU Dublin係由三間經營甚久嘅愛爾蘭理工學院所合拼而成,當中包括1999年成立嘅Institute of Technology, Blanchardstown (ITB)、1992年成立嘅Institute of Technology Tallaght (ITT),以及於1887年開始教學,並且於愛爾蘭高級教育學府排行榜排名第七嘅Dublin Institute of Technology (DIT)。

2014年,ITT、ITB及DIT三間愛爾蘭技術學院合併成立愛爾蘭第一間理工大學,提供更優質高級嘅高等教育。所以TU Dublin有三間學府多年黎嘅耀眼成績做信心保證。

TU Dublin除咗注重學生學術方面成就之外,亦非常注重課程嘅實踐性。鼓勵創業同創新精神嘅TU Dublin依據現實行情設計教學內容,旨在為學生做好畢業後投入職場嘅準備。

呢間新進大學亦成為愛爾蘭共和國國內唯一提供驗光及眼科配鏡課程嘅大學。TU Dublin 喺其大嘅School of Physics & Clinical & Optometric Sciences開設咗4年制嘅驗光學士學位及3年制嘅眼科配鏡學士學位。另外,值得一提既係佢既國際認受性。TU Dublin嘅物理學、驗光學及臨床測量科學學位係得到英國物理學會 (Institute of Physics, IOP) 全面認可。

TU Dublin 除咗理工學科之外,也提供商科、法律、建築、設計、媒體、藝術、烹飪、酒店、旅遊、音樂及戲劇、教育、社會科學、體育等多項本科學位課程,提供多元出路比學生。

「洗底」升呢入讀愛爾蘭大學資格

無錯,香港學生可以用HKDSE直接申請愛爾蘭大學,但係DSE程度高係眾所周知嘅事,所以想用DSE嘅成績申請大學,對一部分學生黎講,可能有啲困難。其實好夕學生本身好有潛質,但於DSE嘅制度下難以發揮,失去咗升學嘅機會。如果面臨咁嘅困境,學生可以到Dublin International Foundation College (DIFC) 「洗底」 。DIFC呢間學院嘅目的只有一個,就係幫助更多中學成績唔達標但依然想努力升學嘅學生進入理想大學。DIFC提供英語及國際本科預科課程、國際本科預科課程 (IFY),以及碩士預科課程,學生可以根據自己嘅興趣及能力喺呢度揾到適合自己嘅學科。

由於DIFC同多間國際知名學府合作,所以喺DIFC順利畢業,就好大機會入讀夥伴大學。而且DIFC嘅合作夥伴不限於愛爾蘭大學,所以預科畢業後嘅出路會闊好多,繼續留喺愛爾蘭,或去其他國家(如美國、澳大利亞、紐西蘭等),讀完再決定都得。

其實愛爾蘭大學同DIFC學院所提供嘅課程、當地居住環境、獎學金等等優惠及其他留學資訊真係一篇文章講唔曬,所以如果想了解更多關於留學愛爾蘭嘅詳情及最update嘅資訊,業升學顧問將會喺線上為你提供更多更update嘅資訊! 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的