返回網站

HKDSE沒考好,進不到大學怎麼辦?

最近香港中學文憑考試(HKDSE)喺香港社會依然受疫情嘅影響下陸續開始。疫情肯定會對考生嘅精神同心情上帶來好多影響。如果成績因種種影響下未能如預期,但依然有繼續升學嘅心,不妨考慮出國留學。可能你讀到呢度,會覺得留學只係有經濟實力嘅人嘅Plan B。咁請你一定要繼續讀落去,了解留學愛爾蘭後,可能此建議會成為你嘅Plan B甚至Plan A。

點解愛爾蘭?

「留學英語國家=英美加」。一講到去英語國家留學,好多人可能會即刻諗到呢三個熱門地點,而忽略咗愛爾蘭呢個優質股。自從英國脫歐之後,愛爾蘭就成為歐盟唯一嘅英語國家,唔止擁有世界級嘅教育系統同學府,而且當地環境優美,適合升學同生活,國際畢業生想喺畢業後留當地就業都唔係天荒夜談。

第一:被譽為最安全及平和嘅國家之一

愛爾蘭整體嘅犯罪率比英美加都低。喺2019年全球和平指數中,愛爾蘭被列入世界前15個最安全嘅國家之一,另外亦喺同年被列為最和平國家第12名。

第二:世界級教育系統

2019年,愛爾蘭教育被世界競爭力年鑒 (IMB World Competitiveness Ranking 2019)排列第10位。

2014年,愛爾蘭教育更被一份針對多國教育系統嘅報告排喺全世界第九名,遠超第17名嘅英國及第18名嘅美國。值得一提嘅係,愛爾蘭教育系統結合咗英美兩國嘅優勢,既重視學術亦唔忽略實踐性,所以愛爾蘭先可以成為目前所有歐洲國家當中,擁有最多科學、數學、計算機工程畢業生嘅國家。

第三:學費比想象中更實惠

愛爾蘭好多一等一嘅大學為左支持有潛質嘅學生,都會提供獎學金。而且,歐元嘅兌換率比英鎊低,所以喺衣食住行方面比留學英國更經濟。喺無獎學金嘅情況下,愛爾蘭大學一年嘅學費介乎一萬歐元左右。如果喺首都都柏林(Dublin)生活,住宿同生活費大約9千至1萬多歐元左右。如果喺其他城市生活,費用可以低至6至8千歐元。所以留學愛爾蘭,亦等於用相對較低嘅費用獲取同等嘅國際認證證書及豐富嘅留學經驗。

第四:相當歡迎國際畢業生於當地就職

移居外國無疑係香港人呢排最Hit嘅話題之一啦!通常喺英美大學畢業嘅國際畢業生要留喺當地工作都會面臨一定嘅難度,但愛爾蘭卻有高達60%嘅國際畢業生順利留喺愛爾蘭工作。點解呢?因為愛爾蘭稅率低,吸引到極多公司,如eBay, Windows, Skype, Bausch & Lomb, Pfizer, Kerry’s,甚至Apple, Google, Facebook, Ernst & Young同Deloitte呢啲國際知名大企業進駐當地。但係,愛爾蘭人口不足,需要大批人才,所以愛爾蘭政府鼓勵國際畢業生畢業後留喺當地就業。而且,好多好似都柏林大學(University College Dublin)嘅名牌大學都會為學生提供實習機會。

愛爾蘭絕對係全歐洲唯一一個為國際畢業生提供畢業後工作簽證嘅英語國家;

本科畢業生可獲得一年嘅工作簽證;

而碩士及博士畢業生就可以獲得兩年嘅工作簽證。

而且一旦你喺愛爾蘭讀書後揾到全職工作,你就有資格申請留居權。

第五:香港護照到訪唔需申請visa

香港護照持有者要去愛爾蘭旅行嘅話係唔需要申請Visa嘅。所以父母要探訪嘅話就慳返一個程序,方便好多!

如何入讀愛爾蘭大學?

HKDSE嘅難度高,係眾所周知嘅事,所以要用DSE成績直接報讀國外大學,或者有一定難度。如果DSE成績未如理想,未能入讀心儀大學或學科,都唔曬灰心。你可以考慮喺Dublin International Foundation College (DIFC)修讀一個長達8個月嘅國際預科(International Foundation Year, IFY)。

DIFC為咗提供學生更多大學選擇,同多間世界各地嘅國際知名大學夥伴(NCUK)設計出一個課程,叫IFY。而IFY被世界各地大學同英國嘅國家學術認可信息中心(NARIC)所承認,所以IFY證書資格相當於澳大利亞高考、美國高考,同埋香港嘅HKDSE。簡單來講,DIFC同NCUK合作厹創IFY呢個碰目,可以為學生打好基礎,並保證IFY畢業生可以入讀NCUK名單上多間國際知名大學,讓學生嘅大學申請資格不限於愛爾蘭大學,而係擴展到如澳大利亞、英國、美國、紐西蘭等多地嘅高等學府。

IFY亦有一個專為對理工科有興趣但未有確定方向嘅學生所設計嘅Science Foundation。學生可以利用喺DIFC就讀嘅時期,進一步了解自己未來去向。喺輔導老師每周一對一輔導,指導學生做出最合適既大學同學科選擇。如果學生嘅DIFC成績傑出嘅話,仲可以向大學申請獎學金,減輕經濟負擔。

校友心得分享

來自中國嘅Lu:

“It was really good, I really enjoyed it. They provided a lot of support. My first choice is Medicine at the University of Central Lancashire, and I got the offer for it. I think this programme is really well designed for international students, it gives you the fundamental knowledge about the major that you want to take in university. For like students who want to study medicine, you’ll learn the basic chemistry and biology knowledge you need.”

「呢個係個非常好嘅體驗,我非常鍾意。佢哋俾咗我好多支持。我嘅第一選擇係中央蘭開夏大學(University of Central Lancashire)嘅醫學學位,我亦都得到咗offer。我認為呢個課程對國際學生水黎講係設計得非常好,佢哋會教我哋喺大學想讀嘅學科所需嘅基本知識。比如話想學醫嘅學生,你會學到你需要嘅基本化學同生物知識。」

來自韓國嘅Seunagh Jung:

“I like that the teachers here are very supportive and caring. They don’t only care about our study, but they actually care for us personally. My first choice is RCSI, I want to study medicine so I can help others. I got to practise writing essays and lab reports. I would definitely recommend DIFC to my friends because first of all, I really like the teachers here, they’re very enthusiastic about teaching, and they’re caring. ”

「我鍾中意呢度嘅老師,佢哋非常熱心同埋好關心我哋。佢哋唔止關心我們嘅學業,仲好關心我哋個人成長嘅生活。我嘅第一選擇是RCSI,我想讀學醫,因為可以幫到人。透過呢個課程,我學識熟悉咗寫論文及實驗報告嘅技巧。我一定會推薦DIFC俾我嘅朋友,因為我非常鍾中意呢度嘅老師,佢哋對教學非常熱心同埋好關心學生。」

想了解更多關於留學愛爾蘭嘅資訊嘅話, 專業升學顧問將會喺線上為你提供更多更update嘅資訊!

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的